TRADISI RING TENGAH GLOBALISASI OM SWASTYASTU Pulau bali satios kaloktah antuk kawentenan palemahan nyane sane gumanti ngulangunin kayun sang sane rauh nyingakin , taler kasub antuk seni lan budayasane adi luhur pamekas tradisi-tradisi sane kantun eksis kemargiang ring tengah masyarakat Bali punika. Maosang indik tradisi nenten pacang prasida lempas saking kawentenan para palingsir sane gumantine nglestariang tur pageh ngemargiang ngantos mangkin kari kelaksanayang olih prati sentana nyane. Tradisi kemargiang boya je sewates wantah anggen sarana upacara kemanten , bilih-bilih wenten sane maosang ngutang-ngutang prabiya tur nenten wenten pikenohnyane . Tradisi punika kemargiang wantah pinaka implementasi utawi cihna subakti katur ring ida Bhatara - Bhatari sane malingga ring pangider buana sami. Tradisi sane kemargiang antuk makudang kudang sarana upakara miwah tata cara sane mabinayan ring soang - soang...